عن صفحة عضو الفريق المعارض بمجلس جهة كلميم وادنون براهيم حنانة
رئيس التحرير الجنوبية بريس متابعة
في إطار توضيح بعض المعطيات بخصوص مجزرة كلميم بغيت نعطي بعض المعطيات من أجل تنوير الجميع خص تعرفو بأن هاد المجزرة كان المجلس البلدي أبرم إتفاقية سنة 2014 مع شركاء ، هما المجلس الإقليمي و وكالة الإنعاش والتنمية الاقتصادية والاجتماعية في أقاليم الجنوب تم الإتفاق على مبلغ 4 ملايير سنتيم، المجلس البلدي 2 مليار سنتيم و وكالة الإنعاش والتنمية الاقتصادية والاجتماعية في أقاليم الجنوب 1,5 مليار سنتيم والمجلس الإقليمي 500 مليون سنتيم ، المجلس البلدي والمجلس الإقليمي إلتزموا بالمبالغ المالية وتم دفع هذه المبالغ لوكالة الجنوب بصفته صاحب المشروع يعني المبلغ موجود إلى يومنا هذا ، السبب لي خلا هاد الإتفاقية ما تتنفذ هو تقاعس وكالة الجنوب في تنفيذ المشروع بحجة عدم توفر العقار ، ناضت أسيادنا السيدة رئيسة الجهة ضربت هاد الإتفاقية بعرض الحائط وتجاهلتها وتم تنبيهنا لها وغادي تشوفو مقطع من المحضر جابت لينا إتفاقية جديدة فيها 4 مجازر لأربعة أقاليم بالجهة ، الخطير في الأمر هو أن الرئيسة عندها إتفاقية فيها أن الجماعة خصها توفر مساحة 20000 متر مربع وعلى حساب الجماعة بينما الرئيسة شرات قبل ماتجيب لينا هاد الإتفاقية بقعتين للبلدية من المال العام وفيهم هاد البقعة ديال المجزرة لي المساحة ديالها 67000 متر مربع تقريبا 7 هكتارات ،لي بغيت نوصل هو كفاش أنت عالمة بواحد بقعة مشرية بمساحة 67000 متر مربع وخلصتيها وجيتي من بعد كتقولي راه خصنا غير 20000 متر مربع صراحة أنت ترتكبين مجزرة في حق المال العام ، ها الفلوس باش تشرات الأرض مشات ها المشروع مزال معلق وكتقول بأن ما عندها بلوكاج وهاد الإتفاقية صادقنا عليها من يوليوز 2023 ولحد الآن مازالت تنتظر التنفيذ مابغيتش نطول عليكم غادي نحط ليكم بعض الوثائق من أجل التنوير .
